Badlapur School Case: मुख्यमंत्री एकनाथ शिंदेंनी जाहीर कार्यक्रमात केलेल्या विधानावरुन नवीन वादाला तोंड फुटलं असून माहविकास आघाडीच्या नेत्यांनी मुख्यमंत्र्यांकडे या प्रकरणाचा सविस्तर तपशील जाहीर करण्याची मागणी केली आहे. पण मुख्यमंत्री नेमकं काय म्हणाले? विरोधकांचं म्हणणं काय आहे पाहूयात...
Badlapur School Case: मुख्यमंत्री एकनाथ शिंदेंनी जाहीर कार्यक्रमात केलेल्या विधानावरुन नवीन वादाला तोंड फुटलं असून माहविकास आघाडीच्या नेत्यांनी मुख्यमंत्र्यांकडे या प्रकरणाचा सविस्तर तपशील जाहीर करण्याची मागणी केली आहे.
पण मुख्यमंत्री नेमकं काय म्हणाले? विरोधकांचं म्हणणं काय आहे पाहूयात...बदलापूरमध्ये दोन चिमुरड्यांवर झालेल्या लैंगिक अत्याचार प्रकरणावरुन राज्यातील राजकारण तापलेलं असतानाच मुख्यमंत्र्यांनी एकनाथ शिंदेंनी एका जाहीर कार्यक्रमामध्ये केलेल्या विधानावरुन नवीन वादाला तोंड फुटलं आहे. मुख्यमंत्री शिंदेंनी बदलापूर प्रकरणाचासंदर्भ देताना अशाच एका प्रकरणात आमच्या सरकारने अवघ्या दोन महिन्यांमध्ये आरोपीला फाशीच्या शिक्षेपर्यंत पोहचवल्याचं विधान केलं आहे. मात्र हे प्रकरण नेमकं कोणतं? ही फाशी कुठे देण्यात आली असा सवाल आता महाविकास आघाडीचे नेते विचारु लागले आहेत. शिवसेना उद्धव बाळासाहेब ठाकरे गटाचे प्रवक्ते आणि खासदार संजय राऊत यांच्याबरोबरच विधानसभेचे विरोधी पक्षनेते विजय वडेट्टीवार यांनी मुख्यमंत्र्यांवर यावरुन लक्ष्य केलं आहे.लाडकी बहीण कार्यक्रमात भाषण देताना, "महाराष्ट्रात ते म्हणत होते की लाडकी बहीण नको, सुरक्षित बहीण पाहिजे. मी तुम्हाला सांगतो दोन महिन्यापूर्वी, तीन-चार महिन्यापूर्वी एक अशीच घटना घडली माझ्या बहिणीबरोबर. आम्ही त्याला फास्ट ट्रॅक कोर्टवर चालवलं, सगळे पुरावे दिले. पोलिसांनी जी सगळी मेहनत केली. या केसला दोन महिने लागले आणि त्या आरोपीला फाशीची शिक्षा झाली. हे आमचं सरकार आहे," असं मुख्यमंत्री म्हणाले. मुख्यमंत्र्यांचा हा व्हिडीओ विजय वडेट्टीवार यांनी शेअर केला आहे."महाराष्ट्र राज्याचे मुख्यमंत्रीच फेक नरेटीव्ह पसरवतात, याचा पुरावा!" अशा मथळ्याखाली वडेट्टीवार यांनी मुख्यमंत्र्यांच्या भाषणातील छोटा व्हिडीओ पोस्ट केला आहे."बलात्कारसारख्या गंभीर गुन्ह्यातील आरोपीला दोन महिन्यात फाशी दिली, असं भर सभेत धडधडीत खोट बोलतात? मुख्यमंत्र्यांनी सांगावं महायुती सरकारच्या काळात दोन महिन्यात कोणत्या आरोपीला फाशी दिली?" असा सवाल वडेट्टीवार यांनी उपस्थित केला आहे. पुढे बोलातना वडेट्टीवार यांनी,"शिंदे - फडणवीस सरकार आल्यापासून बलात्कारी तर सोडा, इतर कोणत्या प्रकरणातील आरोपीला दोन महिन्यात फाशी झाली? त्या आरोपींची नावं मुख्यमंत्र्यांनी जाहीर करावी," अशी मागणी केली आहे."हे महाविनाशी सरकार आल्यावर फक्त एसआयटीची स्थापना होते, त्याचा अहवाल येतो का? कारवाई होते का?" असा सवालही पोस्टमध्ये केला आहे."मुख्यमंत्री खुलेआम भर सभेत जनतेशी खोटं बोलून स्वतःची पाठ स्वतःच थोपटून घेण्यात पुढे आहेत. मुख्यमंत्री महोदय, बलात्कारसारख्या प्रकरणात तरी न केलेल्या कामाचे श्रेय तरी घेऊन नका!" असा खोचक टोला पोस्टच्या शेवटी वडेट्टीवार यांनी लगावला आहे.बलात्कार सारख्या गंभीर गुन्ह्यातील आरोपीला दोन महिन्यात फाशी दिली, अस भर सभेत धडधडीत खोट बोलतात?!विजय वडेट्टीवार यांनी केलेल्या या पोस्टवरुन पत्रकारांनी संजय राऊतांना सावला केला असता,"मुख्यमंत्र्यांनी कुठे फाशी दिली? कोणत्या न्यायालयात खटला चालला? कोणत्या कारागृहात संबंधित आरोपीला फाशी दिली? या साऱ्याचा तपशील मुख्यमंत्र्यांनी जाहीर करणे आवश्यक आहे," असं म्हटलं आहे. तसेच पुढे बोलताना,"महाराष्ट्रापासून तुम्ही काही लपवत आहेत का? वर्षा बंगल्यामागे फाशी दिली की राजभवनामागे फाशी दिली हे त्यांनी सांगा," असंही राऊत म्हणालेत."मुख्यमंत्र्यांनी केलेलं वक्तव्य राज्यपालांनी गांभीर्याने घेवून त्याची चौकशी करावी असं, आमचं आवाहन आहे. मुख्यमंत्री एक नंबरचे खोटारडे आहेत. गृहमंत्री त्याहून खोटारडे आहेत. यांनी महाराष्ट्राला मूर्ख समजत आहेत का?" अशा शब्दांमध्ये संताप व्यक्त केला आहे.लाडकी बहीण योजनेवर बोलताना संजय राऊत यांनी,"इतर अनेक योजना रखडल्या आहेत. मुलांच्या आश्रम शाळेच्या निधीमध्ये घट करण्यात आली आहे. निवडणूक जिंकण्यासाठी हे सरकार कोणत्याही थराला जाईल," असा टोला राऊतांनी लगावला.महाराष्ट्र
Badlapur School Case CM Eknath Shinde Hang Rapist 2 Months Sanjay Raut Demand Details
United States Latest News, United States Headlines
Similar News:You can also read news stories similar to this one that we have collected from other news sources.
Union Budget 2024:बजट पर AAP सांसद संजय सिंह ने दागे कई सवाल, लगााय गंभीर आरोप!Union Budget 2024:बजट पर AAP सांसद संजय सिंह ने दागे कई सवाल, लगााय गंभीर आरोप!
Read more »
महाराष्ट्रात आता उत्तर भारतीय महिलांसाठीही 'लाडकी बहीण'; शिंदेंची शिवसेना करणार प्रचार; 40 सभा घेणारमुख्यमंत्री माझी लाडकी बहीण योजनेत परप्रांतातून आलेल्या महिलांसाठी विशेष तरतूद आहे अशी माहिती शिवसेना शिंदे गटाचे नेते संजय निरूपम यांनी दिली आहे.
Read more »
'मी रिटायर होतोय'; आमिर खाननं चित्रपटसृष्टीपासून केलं स्वत: ला दूर, मुलगा जुनैदवर दिली जबाबदारी!Aamir Khan : आमिर खान चित्रपटसृष्टीतून होणार लांब! तर मुलगा जुनैदवर दिली ही जबाबदारी...
Read more »
'स्क्रीप्ट रेडी आहे, चित्रपटाचे नाव 'नमक हराम 2'; मुख्यमंत्र्यांच्या ठाण्यात संजय राऊतांचा हल्लाबोलShivsena UBT Melava : शिवसेना उद्धव ठाकरे गटाचा (Shivsena UBT) आज ठाण्यात मेळावा झाला. भगवा सप्ताहानिमित्त ठाकरे गटाचा भव्य मेळावा ठाण्यात (Thane) आयोजित करण्यात आला होता. या कार्यक्रमात शिवसेना उद्धव ठाकरे गटाचे नेते संजय राऊत यांनी जोरदार फटकेबाजी केली.
Read more »
महाराष्ट्रात रिव्हर राफ्टिंगचा थरार! थ्रील अनुभवायचा असाल तर कोकणातील या पर्यटनस्थळाला नक्की भेट द्या...महाराष्ट्रात रिव्हर राफ्टिंगचा थरार अनुभवायचा असेल तर कोलाडला नक्की भेट द्या.
Read more »
Maharashtra Weather News : राज्यात पावसाची उघडीप; मुंबईत हलक्या सरींची बरसात, उकाडा मात्र कायमMaharashtra Weather News : हवामान विभागाच्या माहितीनुसार मागील काही तासांपासून राज्यात पावसानं चांगलीच उघडीप दिली. तर, काही भागांमध्ये पावसाच्या हलक्या सरींची बरसात पाहायला मिळाली
Read more »